هنا عبدالرحمن بن مساعد يشرح
بكل أسي واقعنا المؤلم وموت قلوب البعض
يتذمر000يصرخ في وجة من مات احساسة
وقل وفــاءة
يشرح تفاصيل حياتاً يعيشها
البعض000فيقول :
يا صاحبي في وقتنا وقت الألم
من يسمعك مهما حكيت
من ينصفك مهما شكيت
منهو اللي ما يضحك إذا ذلتك دنياك وبكيت
يا صاحبي في وقتنا
ما للمشاعر ناس
يا صاحبي في وقتنا لبعض القلوب إحساس
يا صاحبي في وقتنا وقت الكلام
وقل الفعل .. لامات احد وانتقل لعلى رفيق
من طيبنا نحزن عليه
نصلي عليه
ناصل معه للمقبرة
وفي المقبرة غير الدعاء وقولت الله يرحمه
مابه كلام .. وندفنه .. ولا دفناه نبكي
بدون دموع أو بدموع
المهم بعد ما نبكي نتركه ونروح
وتلقانا نقول مسكين يا فلان مسكين
من دنيتك وش اللي خذيت ؟
وبعد باب المقبرة بشبرين
واقل من الدقيقة لامن دخل فينا الزحام
من طيبنا نضحك ونسمع أغنية
لجل نتسلى في الطريق بين المقبرة والبيت
يا ربي سبحانك ياللي تجير من العذاب
قلوبنا وش صابها ؟
احب ذات يوم ان يداعب الانثي
فكان لها نصيبها من روائع ابن مساعد
في قصيدته يا كاعب فقال :
يا كاعب الطبع الفريـد
ياللي في صدقك تكذبي
يا أقـدم الكيـد الجديـد
كيد انسجن منـه نبـي
يا جاريه تملك iiعبيـد
يا مقيّده تسبـي سبـي
القوه في ضعفك تبيـد
وسلاحك الدمع اسكبـي
ما يعجزك قاسي عنيـد
الكهل يصبح بك صبي
ينصاد ويظن انه يصيد
ويصدقك هـذا الغبـي
ويظن انه الفذ الوحيـد
ما يدري انـك تلعبـي
مسكين هالجاهـل بليـد
ظنك بوصلـه ترغبـي
ان جاك اقفيتـي بعيـد
وان صد عنك تقربـي
وان شفتي اخلاصه يزيد
فـي حيرتـك تتقلبـي
وان بان لك فجأة سعيد
من هالسعادة تغضبـي
وان قلتي عني لا تحيـد
وطاوعـك تستغربـي
وان قلتي فراقك أريـد
وغـاب عنـك تندبـي
يا طالب الراي السديـد
يا حاير بطبـع الظبـي
أقرب من حبال الوريـد
وابعد من المجد الأبـي
وأوضح من أنوار ٍ تقيد
واخفى من النملة دبـي
الشـك فيهـا والأكيـد
وغموضها به تختبـي
شف فعلها يحكي ويعيد
الغـدر شيمـة مذهبـي
زادي النكد به استزيـد
والمكر صافي مشربـي
البعض ينصاني مجيـد
والبعض يحبيلي حبـي
ضعفي قوي وذلي عتيد
يا ليت اعرف مأربـي
شف فعلها برجل ٍ شديد
تلقى طلبـك ومطلبـي
تعطيه بعض اللي يريد
وتاخذ جميع اللي تبـي
وقال في نهايتها 000
أستثني من هذا القصيد كل النساء
كم هو رائع
وكم هو مميــز
فقد أسرنا بشعرة ومشاعرة
كثيراً ماكان بن مساعد يتسأل؟
يبحث عن اجوبة لاسئلته مع العلم
ان الاجوبة هي كلماته
فعجباً لشاعر يستأل
فتجد الاجابة في حروفه .
حكمة يتناقلها البشر
ففي قصيدته صدق او لاتصدق يقول:
صدّق أو لا تصدّق
كل ما تباعدت المسافة بين الرغيف والجوع
تلقى الفرح أصدق
صدّق أو لا تصدّق
لامن غدت كل المشاكل جوع الصغار وسقفٍ يداريهم قبل يصحى النهار
تلقى الشعور أعمق
صدّق أو لا تصدّق
كل ما انقفل درب انفتحت أبواب
صدّق أو لا تصدّق
لو فيه احد طيّب .. للطيبة أسباب
صدّق أو لا تصدّق
قليل من يعفي ويسامح .. كثير وده ينتقم
بس ينتظرله وقت سانح
صدّق أو لا تصدّق
القناعة كنز يفنى
ولو كل من ياخذ قنع .. وكل من ياكل شبع
كان الفرح غطى شوارعنا
صدّق أو لا تصدّق
كل النهايات البداية .. وأحلى البدايات النهاية
وكلنا رغم القساوة الظاهرة .. نبكي قدّام المراية
صدّق أو لا تصدّق
به مطوّل لحيته .. والثوب يلمس ركبته
وما قرا في الشهر آية
صدّق .. ان الشعر صدقه .. اعذبه
ودي احكيلك حكاية وقبلها ابغى لسؤالي اجوبة
المال هذا هو وسيلة والا غاية ؟!
لو ماهو غاية .. ليه الحروب ؟ .. ليه السلام اللي تمناه الشعوب ؟
ليه الحسد يملى القلوب ؟
تحياتي لكم
الرئيسية 
موضوع: روائع لعبدالرحمن بن مساعد ( الجزء الثاني) 
السبت أغسطس 11, 2007 5:22 am
